| 16./17. Jh. |
Knjejstwu klóštra Marijina hwězda poradźi so rekatolizowanje Kulowskeho wobydlerstwa, kotrež je po reformaciji ewangelskej konfesiji přistupiło. |
| 1540 |
Kulowscy křižerjo prěni raz do Ralbic jěchaja. Hač do 1539 jěchachu do Wojerec. Dokelž buchu Wojerecy po reformaciji ewangelske, njesechu křižerjo jutrowne poselstwo z tutoho časa sem do Ralbic, kiž su katolske wostali. |
| 1603 |
W Kulowje zachadźa mór. Mórowy stołp w lěsnej kupjeli na to dopomina. |
| 1620 |
Ewangelscy wojacy wobstupja Křižnu cyrkej. |
| 1623 |
Kejžor Ferdinand II. spožči priwileg zběranja wotedawka za wužiwanje mostow a dróhow. |
| 1630 |
Piwarnja na torhošću so prěni raz naspomnja. |
| 1636 |
Łužičenjo přińdu pod sakske knjejstwo. |
| 1639 |
Husteje kurjawy dla šwedske wójska Kulow blisko Brěžkow misnu. |
| 1668 |
Kanonikus Serbin jědźe do Wiena a wobstara škitny list kejžora Leopolda I., datowany dnja 16. januara 1669, kiž škita prawa katolskich wobydlerjow města Kulowa před protestantam přichilenym wukazom kurwjercha Jurja II. Sakskeho. |
| 1672 |
Bratrstwo swjateho róžowca so załoži. |
| 1700 |
15. apryla so kapłan Pětr Dubjenka z 15 serbskimi putnikami do Roma poda, hdźež jeho bamž Inocenc XII. přija. Dnja 22. awgusta so z relikwijemi romskeho martrarja Bonifacija nawróći. |
| 1704 |
Chorwatski połkownik Janko Šajatowić, po kotrymž nasta Krabat z powěsće, zemrě 80lětny. Jeho pochowaja we wosadnej cyrkwi. |
| 1723 |
Praski rězbar Maćij Wjacław Jakula, kotryž bě so w Kulowje narodźił, stwori barokny wołtar we wosadnej cyrkwi. |
| 1732 |
Na torhošću postaja póstowy stołp. |
| 1749 |
Dnja 10. februara wudźěli kral Bjedrich Awgust pólski rozšěrjene prawo, troje wiki wob lěto přewjesć kaž tež prawo, sej za kóžde cuze skoćo abo nakładny wóz cło a popłatk za wužiwanje mosta žadać. Kejžor Leopold wobkrući w 66. lěće swojeho knjejstwa prawo zběranja popłatka za wužiwanje mostow a dróhow. |
| 1763 |
Měšćanska šula so sypnje. |
| 1780 |
Wulki woheń wudyri – 237 domskich, radnica, farska šula, kapłanstwo, měšćanski młyn a Křižna cyrkej so wotpala. |
| 1781 |
znowanatwar Křižneje cyrkwje a twar Jakubecoweho wustawa za chudych, kiž so wot 1788 jako šula wužiwaše |
| 1788 |
Šulska załožba Jurja Leopolda Jakubeca so wotewrje. W domje na Budyskej dróze stej z toho časa šula a wučerski wustaw zaměstnjenej. |
| 1799 |
Wulki woheń zniči 294 domskich w měsće. |
