Najkmańše wotpadki su tajke, kiž scyła hakle njenastanu. Hač žiwidła, wěcy wšědneje potrjeby abo druhe produkty – kupujće rozumnje a hladajće, zo z materialom za zapakowanje lutujeće. To njeje jenož lěpje za wobswět, ale tež za Wašu móšničku. Přetož za wotpadki priwatnych domjacnosćow je wokrjes Budyšin zamołwity. A cyłkowne kóšty za wotwoženje wotpadkow wón na jednotliweho wobydlerja přeliči; tutón popłatk ma potom kóždy płaćić.

Hdyž tuž mjenje wotpadkow „nadźěłamy“, su kóšty jich wotstronjenja wězo mjeńše. Nimo toho je wažne, zo wotpadki porjadnje sortěrujemy. Wokrjes Budyšin kóždej domjacnosći tony, kotrež trjeba a sej skaza, přiwjeze: šěru tonu, bio-tonu, tonu za plastu abo módru tonu za papjeru. Terminy wuprózdnjenja a pokiwy nastupajo „wotpadki w domjacnosći“ móžeće z „Protyki wotpadkow 2020“ zhonić, kotruž w radnicy dóstanjeće abo kiž móžeće sej tule downloadować.

Za stare bleše/škleńcy a staru papjeru steja na wěstych městnach cyłe lěto containery. Prosymy Was porjada a wěstoty dla a zo njebychu přidatne kóšty nastali, zo wotpadki njestajiće pódla containera, ale zo je hnydom nutř tyknjeće. Zakazane tež je, swój spěrawy stary čapor při tutych containery wotbyć. Štóž so po tym nima, tomu hrozy pokuta.

Škódne maćizny móžeće dwójce wob lěto w specielnym mobilu bjezpłatnje wotedać. Hdy a hdźe budźe mobil stać, so w jednotliwych wsach wozjewi.

Wotwoženje spěraweho stareho čapora móžeće sej z póstowej kartku skazać. Wupjelńće a pósćelće ju prošu krajnoradnemu zarjadej. Potom dóstanjeće termin za wotwoženje.

Zelene wotpadki ze zahrody, kaž lisćo, trawu, hałzy, słomu abo syno, móžeće pola VRD w Brěžkach abo dalšich poskićowarjow w regionje wotedać. Za to pak dyrbiće płaćić.

 

KONTAKT

krajnoradny zarjad Budyšin
zarjad za wotpadki
Macherowa 55
01917 Kamjenc

telefon +49 3591 5251-70 +

prašenja k popłatkej za wotpadki  -299
prašenja k wotpadkowym tonam  -299
poradźowanje nastupajo wotpadki  -200 und -003
telefaks +49 3591 5250-68488

abfallwirtschaft@lra-bautzen.de

wotewrjeny:
wutoru / štwórtk 8.30 – 18.00 hodź

  • listowe wobalki
  • brošury
  • knihi
  • tyzki wot jeji
  • flyery
  • papjera za zawalenje darow
  • časopisy
  • protyki
  • kartonki
  • katalogi
  • stołkana papjera
  • kopěrowanska papjera
  • papjera, papjerc, papjerjane tity
  • póstowe karty
  • prospekty
  • z mašinu na šlebjerdki roztřihana papjera
  • pisanska papjera, šulske zešiwki
  • židźana papjera
  • telefoniske knihi
  • zapakowanski material
  • žołmičkaty papjerc
  • nowiny
  • poworštowana papjera
  • překlepkowa (módra) papjera
  • knihi/zešiwki z wobalku z plasty abo kože
  • fotowa papjera, poćišćana abo njepoćišćana
  • zapakowanski material z kumštnych maćiznow
  • pergamentna papjera
  • tapety
  • tetra-packi a podobne
  • mazana papjera

Dźiwajće na to, zo stare bleše/škleńcy po barbje do containerow mjetaće. Módre abo čorne słušeja sobu k zelenym blešam/škleńcam. Zašrubowaki wotstrońće a ćisńće je do žołteje tony. Škleńčane sudobja dyrbja prózdne być. Hdyž su jara mazane, je prošu skrótka wupłokńće.

Material, w kotrymž běchu škleńčane sudobja snano zapakowane, słuša do wotpowědnych wotpadkowych containerow.

  • bleše za napoje
  • zawarjenske škleńcy
  • farmaceutiske škleńčane sudobja
  • dalša jako zapakowanje wužiwana škleńca
  • škleńcy wot žonopa a podobneho, kiž buchu jako škleńcy k piću wužiwane
  • flakony wot parfima

Někotre škleńčane wotpadki so njehodźa recyclować, dokelž maja hinašu zestawu abo so při hinašej temperaturje škrěja hač škleńcy, kiž so jako sudobjo za zapakowanje wužiwaja. Tajke wotpadki do containera za stare škleńcy njesłušeja.

K tomu słušeja:

  • škleńca a lampy awtow
  • kristal, kaž popjelniki, wazy, winowe škleńcy
  • škleńca ceranowych kachli
  • škleńca z woknow, kamorow, akwarijow
  • žehlawki a energiju lutowace lampy
  • škleńčane sudobjo, kiž wulku horcotu znjese
  • keramika
  • neonowe rołki
  • pórclin
  • zašpihelowana škleńca, špihele
  • hlinjane sudobja
  • hodowne kule

městna, hdźež containery steja

containery za stare škleńcy, staru papjeru/papjerc a trundle

  • Kulow, Při dwórnišću 3 (parkowanišćo)
  • Kulow, Při dwórnišću 17
  • Kulow, Koćinska dróha (sportnišćo) 
  • Kulow, Šlosarkowe naměsto
  • Kulow, Kolpingowe naměsto (wohnjowa wobora)
  • Brěžki, přemysłownišćo
  • Rachlow, Swjedźenišćo
  • Salow, sportnišćo
  • Sulšcy, parkowanišćo Brězanec pjekarnje
  • Koćina, młodźinski klub
  • Dubrjeńk
  • Mučow, wohnjowa wobora
  • Kulowc, nawjes
  • Nowa Wjes, trafo-stacija
  • Hózk, dwórnišćo