1903 | přizamknjenje zjawnej telefoniskej syći |
1908 | Wobchad na železniskej čarje Wojerecy-Kulow-Rakecy so zahaji. Nowa póšta na Kamjenskej dróze so wotewrje. Póstowa słužba za rozwožowanje posyłkow so skónči. |
1909 | twar ewangelskeje cyrkwje |
1914 | Brunicowa jama Werminghoff so wotkryje, za to wjes Bukojnu wotbagruja. W I. swětowej wójnje 1914-1919 padnje 95 Kulowčanow a 42 wobydlerjow z wokolnych gmejnow. |
1917 | Město přizamknu sylnemu milinowodej twornje Niederlausitzer Kraftwerke AG. Tak móže so milinowa syć za cyłe město zarjadować. |
1918 | wutworjenje Rady dźěłaćerjow a wojakow jako organ samozarjadnistwa |
1933 | Nacionalsocialisća poslednjeho swobodnje woleneho měšćanostu wotsadźa. |
1933/34 | – twar lěsneje kupjele – zarjadowanje lěhwow dźěłoweje słužby na Šibjeńcy, w Koćinje a Spalach – wobnowjenje farskeje cyrkwje |
1937 | – twar lěhwa za dźěło w Hózku a Spalach – dźěłowa słužba postara so wo wutwar Wudry, regulowanje Halštrowa – twar sydlišća w Kulowje |
1938 | Židowskich wobydlerjow Kulowa namócnje wotsunu. |
1945 |
Kulow přepodadźa bjez boja sowjetskemu wójsku. Přez rólnu reformu rozdźělichu 177 ha pódy (něhdy wobsydstwo firmy Anhaltische Kohlewerke). |
1948 | Sportowe zjednoćenstwo Kulow a Burske wikowanske drustwo so załožitej. |
1950 | zagmejnowanje Noweje Wsy |
1951 | twar syće za pitnu wodu |
1952 | Kraje so do wobwodow přetworja; Kulow přirjaduja Choćebuzej. |
1953 | Prodrustwo „Doprědka“ so załoži. |
1955 | Twar kanalizacije so zahaji. |
1956 | zagmejnowanje Brěžkow |
1964 |
Festiwal serbskeho ludoweho wuměłstwa ze 750 lajskimi wuměłcami so wotměje. |
1966 | Ewangelscy křesćenjo Kulowa wutworja swoju wosadu. |
1968 | kónc wosoboweho wobchada z ćahom |
1972 | wutworjenje Kulowskeho gmejnskeho zwjazka ze wsami Dubrjeńk, Němcy, Hózk, Kulowc, Koćina a Sulšecy |
1973 | – kompleks swójskich domow na Hórnikowym puću nastanje – wobchad na železniskej čarje so skónči |
1974 | – Jako bu we Wojerecach nowa chorownja natwarjena, dyrbješe so chorownja w Kulowje začinić. W jeje twarjenju je starownja a hladarnja zaměstnjena.
|
1975 | Nowa šula so poswjeći. Z nowym domom při ludowej šuli so wuměnjenja za fachowu wučbu polěpša. Dźensa je w tutym twarjenju wyša šula. |
1976 | Baraku něhdyšeje šule na Bebelowej dróze přetwarja na žłobik. |
1981 | – Serbski dźenik „Nowa Doba“ přewjedźe třidnjowski nowinski swjedźeń ze 10.000 wopytowarjemi. – W Kulowcu dotwarja wjacezaměrowe twarjenje. |
1986 | Swjedźeń składnostnje 700 lět prěnjeho pisomneho naspomnjenja města: 10.000 wopytowarjow so na swjedźenskim ćahu resp. na ICC-wubědźowanju z łožemi wobdźěli. |
1989 | Demonstranća nuzuja SED-měšćanostu wotstupić. |
1990 | – prěnje swobodne wólby po 1933 – Christian Schenker wožiwi tydźenik „Wittichenauer Wochenblatt“. Nowina 54 lět dołho njebě wuchadźała. – 450 lět křižerske procesiony mjez Kulowom a Ralbicami – Petera Schowtku wuzwola w prěnich swobodnych wólbach za měšćanostu. – Bad Honnef stanje so z partnerskim městom Kulowa. |
1991 | – 500 lět bratrstwo swj. Bosćana jako wobrónjene zjednoćenstwo třělcow – Zwjazkowy minister Töpfer poswjeći wopłóčkarnju. – Twar mebloweje fabriki MAJA w Brěžkach. Zawod je dźensa najwjetši dźěłodawar w měsće. |
1992 | wutworjenje zarjadniskeho zwjazka z Němcami, Dubrjeńkom, Hózkom/Rachlowom, Koćinu/Salowom, Sulšecami/Lubhozdźom a Spalemi |
1993 | – wotkryće rymowaneho puća z 13. lětstotka (to je z kijemi wukładźena šćežka, kotraž něhdy přez bahno wjedźeše) pod Budyskej dróhu – podpisanje partnerskeho zrěčenja z čěskim městom Tanvaldom – prěni zaryw za nowotwarsku štwórć při Starym dwórnišću |
1994 | – Dubrjeńk, Hózk/Rachlow, Mučow, Koćina, Salow a Sulšecy so do Kulowa zagmejnuja – znowazałoženje „Bratrowstwa“ – Herta Nikovich, rodźena Bartec z Kulowa, zemrě w Denveru (USA) a přewostaji swojemu ródnemu městu 102.000 dolarow za socialne zaměry. – znowazałoženje sportoweho towarstwa „Deutsche Jugendkraft“ (DJK) Kulow |
1995 | – Spale so stanu wjesny dźěl Kulowa. – 100 lět Dom swj. Wójćecha |
1996 | Wulka sportowa hala při Nowowješćanskim puću so poswjeći. |
1997 |
– Japoštołski nuncius dr. Giovanni Lajolo přijědźe jutry do Kulowa. – 325 lět bratrstwo swjateho róžowca |
1998 | – 100 lět „Bratrowstwo“ – 100 lět dobrowólna wohnjowa wobora – znowazałoženje ćěłozwučowanskeho a sportoweho towarstwa – Kulow so z web-stronu w interneće prezentuje. – prěni raz póstniski ćah na žónskich póstnicach – Młodźina zarjaduje silwester filmowy festiwal a pokaza krótkofilmy, kiž su młodostni sami produkowali. Wječork je tak wuspěšny, zo so z nim rjad „Silvestinale“ zrodźi. |
1999 | wotkryće noweje bydlenskeje štwórće „Při třělnišću“ |
1999/2000 | twar Kulowskeje wobjězdki jako dźěl S 95 |
stawizny města w 20. lětstotkuTorsten Kellermann2020-02-19T15:35:13+01:00