wróćo na přehlad

2000 zarjad za přizjewjenje/wupokazy a stawnistwo přećehnjetej z radnicy na Ticinowe naměsto 
2001 – Šula w Koćinje so zawrje.

  • Wuhlowa železnica posledni raz jědźe. W přichodnych lětach kolije a mosty zwottorhaja. Prjedawši ćah za transport wuhla so wot 1995 turistisce wužiwaše.  
2003 Twarjenje dwórnišća je nětko dom towarstwow. Město jón młodźinskemu třěšnemu zwjazkej United Clubs for Kulow z.t. přenaja.
2005 Młodźina postara so wo nowe wuhotowanje terena wokoło Stareho dwórnišća. Mjez druhim nastanu sportowanišćo, kulturna zahroda a w dwěmaj železniskimaj wagonomaj skupinske rumnosće.  
2006
  • Sporjedźana fara na Cyrkwinskim naměsće so poswjeći. 

– Japoštołski nuncius dr. Erwin Ender přebywa jutry w našim měsće. 

– 300 lět Kulowski karnewal

– Při Koćinjanskim puću so nowe sportnišćo DJK Kulow poswjeći.
2007 Pěstowarnja CSB na Augusta Bebelowej dróze so modernizuje a wutwari. 
2008

– W Koćinje so „Krabatowy swět mloka“ poswjeći, hdźež móža sej wopytowarjo wobhladać, kak so twarožk produkuje a kołoběhi ratarskeje produkcije so jim předstaja.

– dojednanje partnerstwa z pólskim městom Lubomierzom

– W Sulšecach wotmě so 7. Krabatowy swjedźeń.

  • Zetkawanišćo „Centrum Friedricha Forella“ w něhdyšej ewangelskej farje so poswjeći.
2009 Po přetwarjenju pěstowarnje w Sulšecach móže nětko wjace dźěći do njeje chodźić.
2009/10 Wosadna cyrkej so wobšěrnje saněruje. Cyrkej dóstanje nowu třěchu, tež fasada a wěža so wobnowitej.
2010

– Srjedźna šula w Kulowje dojedna partnerstwo ze šulskim centrumom w Lubomierzu.

– Dnja 30. decembra so Ludowy dom na Wojerowskej dróze wupali. Přičina wohenja běchu zwěrjata, kiž su na milinowodach hrymzali. Z balowej žurlu je Kulow wažnu městnosć za kulturne zarjadowanja přisadźił.
2012

– kładźenje kopolakow, dopominace na židowsku swójbu, kotraž bu za čas nacionalsocializma deportowana

– drohotne wokna, kiž maja do wołoja zasadźene škleńcy, buchu zaso do wosadneje cyrkwje zatwarjene
2014 Studija nowiny Sächsische Zeitung a Ewangelskeje wysokeje šule Drježdźany je zwěsćiła, zo bydla w Kulowje najzbožowniši wobydlerjo Sakskeje. 
2016 Kulow wuhotuje 15. Krabatowy swjedźeń. Tysacy hosći dožiwja wotměnjawy kónc tydźenja. 
2017 Z něhdyšeho dwórnišća města nastanje hort.
2018 – saněrowanje pomnika za padnjenych na Kamjenskej dróze
– poswjećenje přitwarka ze sanitarnym traktom při Domje třělcow; kóšty za twar: ca. 300.000 €
– 6. silwestinala k 25lětnemu wobstaću młodźinskeho kluba “United Clubs for Kulow” z prezentaciju a mytowanjom w Kulowje produkowanych krótkofilmow
2019

– wobnowjenje farskeje cyrkwje znutřka; zahajenje wužiwanja cyrkwje z biskopom Wolfgangom Ipoltom dnja 6. decembra

– Kulowska měšćanska piwarnja inwestuje 1,2 milionow eurow do noweje piwowarnje
2020 – poswjećenje noweje pěstowarnje “Swj. Marije” při Adalbertowym wustawje, kotraž ma nětko městno za 215 dźěći
wróćo na 20. lětstotk